२४ पुस २०७९,
प्रदेश १ को चौथो मुख्यमन्त्रीमा नेकपा एमाले नेतो हिक्मतकुमार कार्की नियुक्त भएका छन् । आइतबार प्रदेश प्रमुख पर्शुराम खापुङले उनलाई मुख्यमन्त्री नियुक्त गरेका हुन् । कार्कीको सपथ ग्रहण भने सोमबार हुनेछ ।
झापा क्षेत्र नम्बर ५(१) बाट प्रदेशसभा सदस्यमा दोस्रो पटक निर्वाचित कार्कीलाई ६० जना सांसदले समर्थन गरेका छन् । कार्कीले आइतबार साढे ४ बजे मुख्यमन्त्रीमा दाबी पेश गरेका थिए । प्रदेश प्रमुख खापुङले आज साझ ५ बजेसम्म दाबी गर्ने समय दिएका थिए । प्रमुख खापुङले संविधानको धारा १६८ को उपधारा २ ं बमोजिम दाबीका लागि दिएको समय सकिएलगतै कार्कीलाई मुख्यमन्त्री नियुक्त गरेका हुन् ।
९३ सदस्यीय प्रदेशसभामा बहुमतका लागि ४७ सांसदको समर्थन चाहिन्छ । कार्कीलाई ६० जना सांसदले समर्थन गरेका छन् । नेकपा एमालेका ४०, नेकपा माओवादी केन्द्रको १३, राप्रपाको ६ र जसपाको १ जना सांसद गरी ६० सांसदको समर्थन गरेका छन् ।
