SUNSARIमाघ २४, २०७९
माघ २४, २०७९
प्रदेश १ सरकारको न्यूनतम साझा कार्यक्रम तयार भएको छ । प्रदेश १ को सरकारको न्यूनतम साझा कार्यक्रम निर्माणका लागि पूर्वमन्त्री तथा माओवादी संसदीय दलका नेता इन्द्रबहादुर आङ्बोको नेतृत्वमा समिति गठन भएको थियो । समितिले साझा कार्यक्रम तयार गरेको हो ।समितिले आज दिउँसो मुख्यमन्त्री हिक्मतकुमार कार्कीलाई न्यूनतम साझा कार्यक्रम बुझाउने तयारी गरेको छ ।न्यूनतम साझा कार्यक्रममा आगामी पाँच वर्षको प्रदेश १ को कूल ग्राहस्थ उत्पादन ७० प्रतिशत वृद्धि गर्ने लक्ष्य राखेको छ । ५ वर्षमा हालको कूल गार्हस्थ्य उत्पादन ७ खर्ब ६३ अर्बमा ७० प्रतिशत वृद्धि गरी १२ खर्ब २० अर्ब पुर्याउने लक्ष्य राखेको हो ।प्रदेश सरकारको प्राथमिकतामा प्रदेशको नामाकरण गर्ने, प्रदेश सरकार सम्वद्ध मन्त्रालय, आयोग, निर्देशनालय तथा कार्यालयहरूको आवश्यक प्रशासनिक संरचना निर्माण गर्ने, संघीय सरकार मातहतका निकाय र संवैधानिक अधिकार प्रदेश मातहत ल्याउनेछन् ।नयाँ प्रदेश गौरवको आयोजनाहरू प्रारम्भ गर्ने, प्रदेशको रैथाने कृषि उत्पादनलाई राष्ट्रिय तथा अन्तरराष्ट्रिय बजारमा लैजानेलगायत विषय समावेश छन् ।पूँजीगत खर्च बढाउन आवश्यक उपाय खोज्ने,प्रदेशको स्रोत साधन तथा राजस्वको वृद्धि गर्न तथा सरकारी खर्चमा आत्मनिर्भरता कायम गर्न उच्चस्तरीय राजस्व अध्ययन समितिको निष्कर्ष लागू गर्ने विषय समावेश छन् ।
प्रदेश १
