कोशी किशोरा समूह, रामनगर भुटाहा हरिनगर गाउँपालिकाको निमन्त्रणामा चारली च्यापलीन २ बाल दिवशका कार्यक्रममा प्रस्तुतिकालागि नेपाल आउन लागेका हुन् ।चारली च्यापलीन २ को भुमिकामा रहने भारतिय कलाकार चारली च्यापलीनको अभिनय गरेकाले गिनिज वल्र्ड रकर्ड समेत बनाएका छन् भने बलिवुडमा एक दर्जन बढि फिल्स समेत खेलिसकेका छन् । उनले विश्वभरमा चारलीको क्यारक्टरमा करिब ६ हजार बढी कार्यक्रममा सहभागी समेत भईसकेका छन् । भारत मुगैर घर भएका राजन कुमारलाई चारली च्यापलीन बन्न करिब ३ घण्टा लाग्छ । चारली कै अभिनयमा चारली २ ले पनि विश्वलाई मौन कलाबाट हसाउने प्रयत्न गर्ने गरेका छन् । सामान्य परिवारमा जन्मेका राजन कुमार आफू भित्र जति सुकै पिडा भएपनि अरुलाई आफ्नो कलाको माध्यमले हसाउँन पाउदा गर्व महसुस हुने बताउछन् । ४५ वर्षिय राजन कुमार शालिन, सरल व्यक्ति हुन् भने नमस्ते बिहार लगायत एक दर्जन फिल्ममा समेत अभिनय गरिसकेका छन् । राजन कुमारको अबको केहि दिनको यात्रा चारली च्याप्लीन २ को रुपमा भदौ २५ गते देखि आश्विन ३ गते सम्म नेपाल हुनेछ । नेपाल स्थित हरिनगर २ सुनसरी निवासी समाजसेवी तथा पत्रकार समेत रहेका तबरेज आलम अन्सारीको राजन कुमार नजिकका व्यक्ति हुन् । तबरेज कै आग्रहमा केहि दिन नेपालमा समय बिताउन मानेको चारलीको भनाई छ ।
