१ माघ २०७९
प्रदेश १ को उप–सभामुखमा नेकपा एमालेकी सिर्जना दनुवार निर्वाचित भएकी छन् । शनिवार प्रदेशसभामा भएको उप–सभामुखको निर्वाचनमा ५७ मतसहित उनी निर्वाचित भएकी हुन् ।
दनुवारका लागि उप–सभामुखमा निर्वाचि गराउन नेकपा एमालेका प्रदेश संसद तिलचन पाठकले प्रस्ताव गरेका थिए । यस्तै माओवादी केन्द्रका प्रदेश संसद नारायण बुर्जामगरले समर्थन गरेका थिए ।
संविधानको धारा १८२ को उपधारा (२) अनुसार प्रदेश सभामुख वा प्रदेश उपसभामुखमध्ये एक जना महिला हुनेपर्ने र प्रदेशसभामुख वा प्रदेश उपसभामुख फरक फरक दलको प्रतिनिधि हुनुपर्ने व्यवस्था छ ।
