२ फागुन २०७९
सुनसरिको इटहरीमा सोमबार लघुवित्त संस्थाहरूले सडकमा ल्याउन बाध्य बनाएको भन्दै पीडितहरूले ४ घण्टा धर्ना दिएका छन् । प्रदेश एकका सुनसरी , मोरङ , झापा , इलाम ताप्लेजुङ लगायतका जिल्लाबाट भेला भएका पीडितहरूले इटहरीको मुख्य चौकमा विभिन्न प्लेकार्डहरू बोकेर लघुवित्त संस्थाहरू विरुद्ध नाराबाजी सहित धर्ना दिएका हुन ।
पीडितहरूले प्रदेश एकको विभिन्न जिल्लाहरूमा अवस्थित लघुवित्त संस्थाहरू खारेज हुनुपर्ने , ऋणको ब्याज बढाउन नपाउने , सबैलाई समान व्यवहार गर्नुपर्न जस्ता नारा सहित ४ घण्टा धर्ना दिएका हुन । लघुवित्त संस्थाले ऋण दिएपछि कर्मचारीहरूले पटक पटक धम्कीपूर्ण शैलीमा घरमै आएर बेइज्जत गर्ने , सामान जफत गर्ने जस्ता दुर्व्यवहार गर्ने गरेको पीडितहरूले बताएका छन् । संस्थाले ब्याजको नाममा चर्को रकम असुल्ने गरेकोले अहिले मर्नु न बाच्नुको बनाएको पीडितहरूले बताएका छन् ।
