आइतबार, ३ असार २०८०
निरन्तरको वर्षासँगै हेवा खोलामा आएको बाढीमा परी संखुवासभामा एक जनाको मृत्यु भएको छ । बाढीले बगाएर ल्याएको अवस्थामा पाँचखपन नगरपालिका– ५ मा एक शव भेटिएको जिल्ला प्रहरी कार्यालय सङ्खुवासभाले जनाएको छ। बाढीका कारण १६ जना सम्पर्क बिहिन भएका छन् ।
चैनपुर नगरपालिका ४ पेङ्कोट र पाँचखपन नगरपालिका ९ मा गएको पहिरोले खोला थुनिएपछि आएको बाढीले बगाउँदा चैनपुर ४ को निर्माणधिन सुपर हेँवा हाइड्रोमा क्षति पुगेको थियो । सोही हाइड्रोका १६ जना मजदुर सम्पर्कबिहिन भएको प्रहरीले बताएको छ ।
बाढीले पाँचखपन र चैनपुर जोड्ने निर्माणाधीन मोटरेबल पुल पनि बगाएको छ भने किनार क्षेत्रमा ४ घर बगाएको जिल्ला प्रहरी कार्यालय जनाएको छ।
