मङ्गलबार, ५ असार २०८०
आइसिसी एकदिवसीय विश्वकप छनोट अन्तर्गत नेपालले अमेरिकाविरुद्ध टस जितेर फिल्डिङ रोजेको छ । जिम्बावेको ताकशिंगा स्पोर्ट्स क्लबमा नेपालका कप्तान रोहित पौडेलले टस जितेर पहिला फिल्डिङ रोजेका हुन् ।अमेरिका कप्तान मोनांक पटेलले नेपालविरुद्धको खेल गुमाउने भएका छन् । त्यसैको कारण टसमा अमेरिकामा उपकप्तान आरोन जोन्स आएका थिए ।नेपालका तीव्र गतिका बलर सोमपाल कामीले पनि आजको खेल गुमाउनेछन् । उनको स्थानमा ललित राजवंशी टोलीमा परेका छन् । नेपाल अमेरिकालाई हराउँदै सुपर सिक्समा पुग्ने बलियो सम्भावना बनाउन चाहन्छ । दुबै टोली पहिलो जितको खोजीमा हुनेछन् ।नेपाल पहिलो खेलमा जिम्बावेसाँग ८ र अमेरिका वेस्टइन्डिजसँग ३९ रनले पराजित भएको थियो ।
