8:58 PM 1/13/2023
धनकुटाको छथर जोरपाटी गाउँपालिकास्थित सिधुवा बजारमा आगलागीले तीन वटा घर जलेका छन् । बजारको काउली चोकको मासु पसलबाट बेलुकी करिब ७ बजेदेखि सुरु भएको आगोले स्थानीय हेम थापा, अर्जुन घिमिरेसहितको घरमा क्षति पुगेको स्थानीय रोशन केसीले जानकारी दिए । उनका अनुसार आगो निभाउन नेपाली सेना, नेपाल प्रहरी, सशस्त्र प्रहरी र स्थानीय बासिन्दा जुटिरहेका छन् ।
यस्तै, तेह्रथुमको वसन्तपुरबाट घटनास्थलमा दमकल पुगिसकेकोले आगो नियन्त्रण उन्मुख रहेको स्थानीय नवनित खड्काले जनाएका छन् । आगो निभाउनका लागि धनकुटाबाट थप प्रहरी गइरहेको जिल्ला प्रहरी प्रमुख एसपी लक्ष्मीराज अधिकारीले जनाए ।
