बिहीबार, २१ भदौ २०८०
कोशी प्रदेशमा मुख्यमन्त्री उद्धव थापा नेतृत्वको सरकार ढलेको छ । सर्वोच्च अदालतले मुख्यमन्त्री थापाले पाएको विश्वासको मत असंवैधानिक ठहर गरेपछि उनी नेतृत्वको सरकार ढलेको हो । अदालतले नेकपा एमाले कोशी प्रदेश संसदीय दलका नेता हिक्मतकुमार कार्कीलाई मुख्यमन्त्री नियुक्त गर्न सर्वोच्च अदालतले आदेश पनि दिएको छ । न्यायाधीशहरू सपना प्रधान मल्ल, डा कुमार चुँडाल र नहकुल सुवेदीको पूर्ण इजलासले मुख्यमन्त्री थापाले गत भदौ ४ गते लिएको विश्वासको मतलाई असंवैधानिक रहेको ठहर गरेको हो । थापाको सरकारलाई बदर गरेसंगै एमाले नेता हिक्मत कार्कीलाई मुख्यमन्त्री बनाउन सर्वोच्चले परामादेश समेत जारी गरेको हो । संबिधानको धारा १६८ ९३० बमोजिम हिक्मत कार्कीलाई मुख्यमन्त्री नियुक्त गर्न सर्वोच्चले आदेश दिएको हो ।
बहुमतको सरकार बन्न नसकेपछि प्रदेशसभाको ठुलो दलको नेताको हैसियतमा एमाले नेता कार्की दोस्रो पटक मुख्यमन्त्री बन्ने छन् ।
