५ माघ २०८०,
मोरङको सुन्दरहरैँचा नगरपालिका (६ स्थित गछिया खोलामा शुक्रबार बिहान एक जना वृद्ध पुरुषको शव फेला परेको छ ।भोजपुरको भोजपुर नगरपालिका– २ घर भइ सुन्दरहरैँचा–६ बस्दै आएका ६४ वर्षीय टेकबहादुर गुरुङ खोलामा डुबेको अवस्थामा मृत फेला परेका हुन् । मोरङ प्रहरीमा प्रवक्ता डीएसपी रन्जनकुमार दाहालका अनुसार गुरुङ शब्जी लिन भनेर बिहीबार गछिया बजार गएको खुलेको छ ।बजारबाट घर नफर्किएपछि प्रहरीलाई जानकारी गराएर आफन्तले खोजी थालेका थिए । खोजी गर्ने क्रममा खोलामा डुबेर मृत्यु भएको अवस्थामा बिहान ८ बजेतिर शव फेला परेको जानकारी दाहालले दिए ।उनका अनुसार शब्जी लिएर घर फर्किने क्रममा चिप्लिएर खोलामा डुबेका वृद्धको त्यही मृत्यु भएको हुनसक्छ ।शवलाई पोस्टमार्टमका लागि उर्लाबारीको मंगलबारेस्थित मदन भण्डारी अस्पताल एवं ट्रमा सेन्टर पठाएर घटनाको अनसन्धान सुरु गरिएको दाहालको भनाइ छ । इलाका प्रहरी कार्यालय बेलबारीका इन्सपेक्टर तेजबहादुर दाहाल नेतृत्वको टोलीले घटनाको अनुसन्धान सुरु गरेको छ ।
