रुकुम पश्चिम – लगातारको अविरल वर्षाका कारण रम्बाखोलामा आएको बाढीले मोटरसाइकल बगाउँदा दुई जनाको मृत्यु भएको छ।
सर्जन पुन र निर्मला थापाको मृत्यु
मुसिकोट नगरपालिका वडा नम्बर ४ का ५० वर्षीय सर्जन पुन र वडा नम्बर ६ की ३३ वर्षीया निर्मला थापाको बाढीले ज्यान गएको हो।
बाढीले मोटरसाइकल बगाएको
प्रहरीका अनुसार, आइतबार राती करिब ८ बजे साखबाट कानियाँगाउँतर्फ जाँदै गर्दा उनीहरु बाढीले बगाएको थियो। मुसिकोट नगरपालिका वडा नम्बर ६ र ७ को सिमानामा रहेको रम्बाखोलामा मोटरसाइकलसहित खोला तर्ने क्रममा घटना भएको हो।
शव पोष्टमार्टमका लागि अस्पताल पठाइयो
जिल्ला प्रहरी कार्यालय रुकुम पश्चिमका प्रहरी नायव उपरीक्षक नवराज पोखरेलले घटना पुष्टि गर्दै मृतक दुवै जनाको शव पोष्टमार्टमका लागि जिल्ला अस्पताल सल्ले पठाइएको जानकारी दिए।
