चैत २०, २०८१ /,
राजावादी आन्दोलनमा आगजनी गरिएको घरमा मृत्यु भएका एभिन्युज टेलिभिजनका पत्रकार सुरेश रजकको शरीरमा गोली लागेको भिडिओ एक्सरेमा नदेखिएको पोष्टमार्टम रिपोर्ट आएको छ ।चैत १५ गते तीनकुनेमा जलेको अवस्था मृत भेटिएका पत्रकार रजक २९ वर्षका युवा थिए । उनको शरीरमा गोली नलागेको पोस्टमर्टम रिपोर्टमा उल्लेख छ । रजकको शवको आज बुधवार दिउँसो पोस्टमर्टम गरिएको हो ।
त्रिवि शिक्षण अस्पतालका फरेन्सिक मेडिसिन विभागका प्रमुख डा। गोपाल चौधरीले भिडिओ एक्स(रे गरेर पनि हेरिएको र शरीरमा कतै गोली नदेखिएको जानकारी दिएका हुन ।उनका अनुसार पोस्टमर्टम गर्नुअघि भिडिओ एक्स(रे गरिएको हो । कतै गोली लागेको नभेटिएको उल्लेख गर्दै उनले रजकको मृत्यु फोक्सोमा धुवाँ भरिएको कारणले भएको बताए । उनका अनुसार फोक्सोमा धुवाँको कण भेटिएको छ ।रजकलाई हत्या गरेपछि आगो लगाएको हो कि भन्ने आशङ्काका बारे डा। चौधरीले त्यसो नभई उनको धुवाँमा निस्सासिएकै कारण मृत्यु भएको बताए ।
