आइतबार, २४ भदौ २०८०
लेजेन्ड खेलाडी पेलेको सर्वाधिक गोलकर्ताको कीर्तिमान नेयमारले तोडेका छन् । शनिबार ब्राजिलले बोलिभियालाई ५–१ ले हराउँदा नेयमारले दुई गोल गर्दै पेलेको कीर्तिमान तोडेका हुन् । ब्रजिलका लागि १२५ औं खेल खेलेका नेयमारले पहिलो हाफमा पेनाल्टी मिस गरेका थिए । तर दोस्रो हाफमा दुई गोल गरे । योसँगै उनले पेलेको ७७ गोलको रेकर्ड तोडे । ब्राजिलका लागि नेयमारले गरेको गोल संख्या ७९ पुगेको छ । यो रेकर्डमा पुग्छु भनेर कहिल्यै सोचेको थिइन’ नेयमारले खेलपछि भने,‘म पेले वा राष्ट्रिय टिमका अरु खेलाडी भन्दा राम्रो होइन । पेलेको गत डिसेम्बरमा ८२ वर्षको उमेरमा निधन भएको थियो । उनले १९५७ देखि १९७१ को अवधिमा ९२ खेल खेल्दै ब्राजिलका लागि ७७ गोल गरेका थिए । नेयमार हाल साउदी प्रो लिग टिम अल हिलालमा छन् ।
