बुधबार, १० असोज २०८०
एसियाली खेलकुदको पुरुष क्रिकेटमा क्रिकेटमा नेपालले चारवटा विश्व कीर्तिमान बनाएको छ । समूह चरणको पहिलो खेलमा बुधबार मंगोलियासँग खेलेको नेपालले २ सय ७३ रनको कीर्तिमानी जीत हात पारेको छ । टी(ट्वान्टी क्रिकेटमा यो अहिलेसम्मकै ठुलो अन्तरको जित हो । ३ सय १५ रनको लक्ष्य पछ्याएको मंगोलियालाई नेपालले ४१ रनमा समेटेको थियो । मंगोलिया अन्तराष्ट्रिय क्रिकेटमा पहिलो खेल खेलेको हो नेपालले टी ट्वान्टी क्रिकेटमा सबैभन्दा धेरै रनको कीर्तिमान पनि बनाएको छ । यसअघि अफगानिस्तानले आयरल्याण्डविरुद्ध बनाएको २ सय ७८ रन अहिलेसम्मको सर्वाधिक रनको कीर्तिमान थियो । नेपालको कीर्तिमानको यात्रा यतिमै रोकिएन । दीपेन्द्रसिंह ऐरीले ९ बलमा ५० रन पुरा गर्दै थोरै बलमा अर्धशतक बनाउने विश्व कीर्तिमान बनाउनुभयो । यसअघि भारतका युवराज सिंहले १२बलमा यो कीर्तिमान बनाउनुभएको थियो । ९ बलमा अर्धशतक बनाउने दीपेन्द्रको कीर्तिमान तोड्न अर्को ब्याटरलाई कठिन पर्ने क्रिकेट विश्लेषकले बताएका छन् । त्यस्तै, कुशल मल्लले सबैभन्दा चाँडो सतक बनाउने विश्व कीर्तिमान कायम गर्नुभएको छ । उहाँले मात्र ३४ बलमा शतक पूरा गर्नुभयो । यसअघि दक्षिण अफ्रिकाका डेभिड मिल्नरले बंगलादेशविरुद्ध ३५ बलमा शतक बनाउँदै यो कीर्तिमान कायम गर्नुभएको थियो ।
