बिहीबार, ७ मंसिर २०८०
मोरङको उर्लाबारी नगरपालिका–७ बरगाछीमा भएको आगलागीमा परी मृत्यु हुनेको संख्या तीन पुगेको छ । आगलागीमा परी घाइते भएका तीन जनाको मृत्यु भएको हो । २६ कात्तिकमा स्नेहा सुनचाँदी पसलमा भएको आगलागी नियन्त्रणका क्रममा चार प्रहरीसहित २८ जना घाइते भएका थिए । घाइते मध्ये तीन जनाको मृत्यु भएको जिल्ला प्रहरी कार्याल मोरङका प्रहरी नायव उपरीक्षक रञ्जनकुमार दाहालले बताए । उपचारका क्रममा बुधबार राति साढे १० बजेतिर उर्लाबारी–७ का ४९ वर्षीय हेमकुमार दाहाल (दीपक) को मृत्यु भएको थियो । बिहीबार बिहान साढे ६ बजेतिर उर्लाबारी–७ कै ४२ वर्षीय कुमार तामाङको मृत्यु भएको हो । मंगलबार स्थानीय ४३ वर्षीय तपन पण्डितको उपचारका क्रममा मृत्यु भएको थियो । स्थानीय दीपक कार्कीले आफ्नै घरमा सञ्चालन गरेको सुनचाँदी पसलमा कात्तिक २६ गते राति आगलागी भएको थियो । पसलमा लागेको आगो नियन्त्रणमा लिने क्रममा सिलिण्डर विष्फोट हुँदा ४ जना प्रहरीसहित २८ जना घाइते भएका थिए ।आगलागीमा परि घाइते भएका प्रहरी र २० जना स्थानीय गरी २४ जनालाई थप उपचारका लागि काठमाडौंको किर्तिपुर वर्न अस्पताल लगिएको थियो । घाइते मध्ये पाँच जनाको अवस्था गम्भीर छ ।
