३ फागुन २०८०,
नेपालले आईसीसी क्रिकेट विश्वकप लिग– २ त्रिकोणात्मक ओडीआई सिरिजअन्तर्गत पहिलो खेलमा नेपालले नामिबियासँग ब्याटिङ गर्ने भएको छ । टीयु क्रिकेट मैदानमा टस हारेर नेपालले ब्याटिङ गर्ने भएको हो ।नेपालले पहिलो खेलमा राष्ट्रिय टिममा पुनरागमन गरेका अनिलकुमार शाहलाई मौका दिएको छ । क्यानडासँगको सिरिजमा उत्कृष्ट ब्याटिङ गरेका शाह प्लेइङ– ११ मा परेका छन् ।२०२७ सम्म चल्ने लिग– २ मा नेपालसहित ८ टोलीको सहभागिता हुनेछ । पहिलो सिरिजमा नेपाल, नामिबिया र नेदरल्यान्यड्सबीच प्रतिस्पर्धा हुनेछ ।नेपाल र नामिबिया दुवै विजयी सुरुवात गर्न चाहन्छन् । पछिल्लो एक वर्षमा नेपालले घरेलु मैदान टीयुमा ओडीआई खेल हारेको छैन ।नेपाल र नामिबियाबीच ६ ओडीआई खेल भएका छन् । जसमा नेपाल २ खेलमा जित, ३ मा हार र १ खेल वर्षाको कारण नतिजा विहीन बनेको थियो ।
नेपालको टोली प्लेइङ ११
रोहित पौडेल ९कप्तान०, आसिफ शेख, कुशल भुर्तेल, कुशल मल्ल, पवन सर्राफ, भीम सार्की, अनिल कुमार शाह, गुलशन झा, सोमपाल कामी, करण केसी, ललित राजवंशी ।
नामिबियाको प्लेइङ ११
जेरार्ड एरास्मस ९कप्तान०, जेन ग्रिन ९विकेटकिपर०, जेजे स्मिथ ९उपकप्तान०, माइकल भान लिंगेन, निकोल लोफ्टि९इटन, जान फ्रिलिंक, रुबेन ट्रम्पलम्यान, निको डाभीन, टांगेनी लुंगामेनी, ज्याक ब्रेसल र बर्नार्ड स्कोल्ज ।
